When a guy resurge from death

Life is unpredictable . We have lots of thing who dont have answer or we dont have reason for them . Some time miracles happens in  our life but we dont  want define it as miracle as we say

Karamat kehar da naam hai

But belive me there lots of thing in guru jiz life too which are not less then a miracle and still exist who love guru ji

It happens once when a sip of amrit of khanda baata give life to a dead young guy . Kindly watch this video for details

https://youtu.be/rUIgWTbXpME

ਭਾਈ ਮਰਦਾਨਾ ਜੀ ਦਾ ਅੰਤ ਸਮਾਂ

ਜਦੋਂ ਭਾਈ ਮਰਦਾਨਾ ਜੀ ਦਾ ਅੰਤਲਾ ਸਮਾਂ ਆਇਆ ਤਾਂ  ਗੁਰੂ ਸਾਹਿਬ ਨੇ ਭਾਈ ਮਰਦਾਨਾ ਜੀ ਨੂੰ ਆਖਿਆ , ਮਰਦਾਨਿਆਂ ਤੇਨੂੰ ਮਰਨੋਂ ਉਪਰੰਤ ਦਾਗ ਕਿਵੇਂ  ਦੇਈਏ । ਅੰਤ ਸਮੇਂ ਬ੍ਰਹਾਮਣ ਜਲ ਵਿਚ ਵਲੀਨ ਕਰ ਦਿੰਦੇ ਨੇ, ਅਰ ਖਤ੍ਰੀ  ਅਗਨ ਵਿਚ ਜਲਾਂਵਦੇ  ਹਨ ਅਰ ਵੈਸ਼ ਪੌਣ  ਵਿਚ ਸੁਟ ਦਿੰਦੇ ਹਨ ,  ਅਰ ਸ਼ੁਦਰ  ਧਰਤੀ ਵਿਚ ਦੱਬਦੇ ਹਨ । ਮਰਦਾਨਿਆ ਜੋ ਦਾਗ ਤੂੰ ਕਹੇ ਉਹੀ ਦਾਗ ਦੇਵਾਂਗੇ । ਭਾਈ ਮਰਦਾਨਾ ਜੀ ਕਹਿਣ ਲਗੇ , ਦਾਤਾ ਤੇਰੇ ਸ਼ਬਦ ਕਰ ਕੇ  ਮੇਰੇ  ਵਿਚੋਂ ਦੇਹ ਅਭਿਮਾਨ  ਦੂਰ ਹੋ ਗਿਆ ਹੈ । ਅਤੇ ਇਹੋ ਚਾਰੇ ਵਰਨ  ਦੇਹ ਅਭਿਮਾਨ ਦੇ ਹੀ ਹਨ । ਮਾਲਕਾ ਮੈਂ ਆਪ ਜੀ ਨੂੰ ਇਸ ਦੇਹੀ ਦਾ ਸਾਖੀ ਜਾਣਿਆ ਹੈ  ਜਿਵੇਂ ਆਪ ਜੀ ਦੀ ਇਛਾ ਹੋਵੇ ਸੋ ਕਾਰ ਕਰਣਾ ਜੀ ,

ਗੁਰੂ ਸਾਹਿਬ ਆਖਣ ਲੱਗੇ , ਭਾਈ ਤੇਰੀ ਮੜੀ ਬਣਾ ਕੇ ਜਗਤ ਤੋਂ ਪੁਜਵਾ ਦਈਏ , ਭਾਈ ਮਰਦਾਨੇ ਨੇ ਬੜੇ ਨਿਮਾਣੇ ਹੋ ਕੇ ਕਿਹਾ ਗਰੀਬ ਨਿਵਾਜ ਸਰੀਰ ਦੀ ਮੜੀ ਵਿਚੋ ਕਢ ਕੇ ਫੇਰ ਪਥਰਾਂ ਦੀ ਮੜੀ ਵਿਚ ਕਿਉਂ ਪਾਉਦੇ ਹੋ । ਗੁਰੂ ਸਾਹਿਬ ਆਖਣ ਲੱਗੇ ਮਰਦਾਨਾ ਜੀ ਤੁਸੀ ਬ੍ਰਹਿਮ ਪਛਾਤਾ ਹੈ , ਤੁਸੀਂ ਬ੍ਰਹਮਗਿਆਨੀ ਹੋ  ਤੈਨੂੰ ਜਲ ਦਾ ਦਾਗ ਦੇਵਾਂਗੇ ਅਰ ਰਾਵੀ ਵਿਚ ਤੈਨੂੰ ਪ੍ਰਵਾਹ ਕਰਾਂਗੇ । ਤੂੰ ਰਾਵੀ ਕੰਡੇ ਆਸਣ ਮਾਰ ਅਰ ਤ੍ਰਕੁਟੀ ਦਾ ਧਿਆਨ ਕਰ ਕੇ ਸੁਆਸ ਸੁਆਸ ਵਾਹਿਗੁਰੂ ਜਪ ਕਰੋ । ਇਉਂ ਭਾਈ ਮਰਦਾਨਾ ਜੀ ਨੇ ਸਰੀਰ ਤਿਆਗਿਆ  ਅੰਮ੍ਰੀਤ ਵੇਲੇ ਗੁਰੂ ਸਾਹਿਬ ਨੇ ਕੜਾਹ ਪ੍ਰਸ਼ਾਦ ਤਿਆਰ ਕਰ ਸਿੱਖਾਂ ਦੇ ਨਾਲ ਜਾ ਕੇ ਭਾਈ ਸਾਹਿਬ ਦਾ ਸਰੀਰ ਪ੍ਰਵਾਹ ਕਿਤਾ  ਅਤੇ ਭਾਈ ਸਾਹਿਬ ਦੇ ਪੁਤਰ ਸ਼ਹਿਜ਼ਾਦੇ ਨੂੰ ਕਿਹਾ ਕਿ ਜੋ ਆਪਣੇ ਘਰ ਜਾਂਦੇ ਹਨ ਉਹਨਾਂ ਦਾ ਸੋਕ ਨਹੀ ਕਰੀਦਾ,  ਭਾਈ ਸਾਹਿਬ ਦੇ ਜਾਣ ਦਾ ਸੋਕ ਨਹੀ ਕਰਣਾ
 

ਸਭ ਉਤਮ ਕਿਸੁ ਆਖਉ ਹੀਨਾ ॥

ਅੱਜ ਜਦੋਂ ਮੈ ਅਪਣੇ ਗਤਕਾ ਸਟੂਡੈਂਟਸ ਨਾਲ ਬੈਠਾ ਸੀ ਮਨ ਵਿਚ ਖਿਆਲ ਆਇਆ ਕਿ ਅਪਣੇ ਅੰਦਰ ਭੇਦ ਭਾਵ ਇਸਲਈ ਹੈ ਕਿਉਂਕਿ ਅਪਾਂ ਨੂੰ ਰੱਬ ਦਾ ਡਰ ਭੈ ਰਿਹਾ ਹੀ ਨਹੀ । ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਮਾਹਾਰਾਜ ਨੇ ਅੰਮ੍ਰੀਤ ਦੀ ਦਾਤ ਬਖਸ਼ ਕੇ ਸਾਡੀ ਜਾਤ ਪਾਤ ਖਤਮ ਕਰ ਦਿਤੀ ਸੀ ਫੇਰ ਵੀ ਅਪਾਂ ਜਾਤਾਂ ਦੇ ਨਾਮ ਤੇ ਗੁਰਦੁਆਰੇ ਬਣਾਈ ਜਾਂਦੇ ਹਾਂ , ਇਹ ਰਾਮਗੜੀਆ ਗੁਰੂ ਘਰ ਇਹ ਰਵੀਦਾਸੀਆਂ ਦਾ ਗੁਰਦੁਆਰਾ,ਪਰ ਜੇ ਇਹਨਾਂ ਨੂੰ ਪੁਛ ਵੀ ਗੁਰੂ ਵੀ ਵੰਡ ਲਿਆ ਹੁਣ ??? ਅਪਾਂ ਬਾਣੀ  ਪੜ ਲਈ ਪਰ ਸੱਚ ਜਾਣਿਓ ਅਪਾਂ ਸਿਰਫ ਪੜੀ ,  ਮੰਨੀ ਨਹੀ, ਜੇ ਮੰਨੀ ਹੁੰਦੀ ਤਾਂ ਇਹ ਯਾਦ ਰਹਿੰਦਾ ਵੀ ਰੋਜ਼ ਰਾਤ ਨੂੰ ਸੋਹਿਲਾ ਸਾਹਿਬ ਪੜਨ ਵੇਲੇ ਅਪਾਂ ਕਹਿੰਦੇ ਹਾਂ

ਸਭ ਮਹਿ ਜੋਤਿ ਜੋਤਿ ਹੈ ਸੋਇ ॥

ਪਰ ਇਹ ਇਕ ਗਲ ਮੰਨਣੀ ਹੀ ਅਪਾਂ ਨੂੰ ਔਖੀ ਲਗਦੀ ਹੈ, ......ਸੱਭ ਵਿਚ ੳਹੀ ਜੋਤ ਵਰਤ ਰਹੀ ਹੈ । ਗੁਰੂ ਘਰ ਉਚ ਨੀਚ ਦਾ ਕੋਈ ਅਸਥਾਨ ਨਹੀ, ਇਥੇ ਤਾਂ ਪ੍ਰੇਮ ਦੀ ਖੇਡ ਖੇਡੀ ਜਾਂਦੀ ਹੈ। ਜਿਥੇ ਭਗਤ ਰਾਮਾਨੰਦ ਜੀ ਬ੍ਰਹਾਮਣ ਕੁਲ ਦੇ ਨੇ ਅਤੇ ਭਗਤ ਰਵੀਦਾਸ ਜੀ ਨੂੰ ਨੀਚ ਜਾਤ ਵਿਚ ਗਿਣ ਲਿਤਾ ਗਿਆ ਪਰ ਧੰਨ ਗੁਰੂ ਸਾਹਿਬ ਜਿਹਨਾਂ ਭਗਤਾਂ ਦੀ ਅਵਸਥਾ ਦੇਖੀ ਪ੍ਰੇਮ ਦੇਖਿਆ ਅਤੇ ਸੱਭ ਨੂੰ ਚੁਕ ਕੇ ਅਪਣੇ ਨਾਲ ਗੁਰੂ ਗ੍ਰੰਥ ਸਾਹਿਬ ਵਿਚ ਅਸਥਾਨ ਦੇ ਦਿਤਾ ਅਤੇ ਅਪਾਂ ਇਕ ਮੰਗਤੇ ਜਾਂ ਗਰੀਬ ਨੂੰ ਦੇਖ ਪਾਸਾ ਵੱਟ ਲੈਂਦੇ ਹਾਂ ਅਤੇ ਕਈ ਵਾਰ ਤਾਂ ਲੰਗਰ ਵਿਚ ਬੈਠੇ ਵੀ ਅਪਣੇ ਲਾਗੇ ਕਿਸੇ ਗਰੀਬ ਜਾਂ ਨੀਵੀ ਜਾਤ ਵਾਲੇ ਨੂੰ ਬੈਠਣ ਨਹੀਂ ਦਿੰਦੇ ਫੇਰ ਵੀ ਗੁਰੂ ਕੋਲੋਂ ਜਾ ਕੇ ਭਲਾ ਮੰਗਦੇ ਹਾਂ ।

ਗਰੀਬ ਦਾ ਦਿਲ ਦੁਖਾ ਕੇ ਭਾਈ ਭਲਾ ਨਹੀ ਹੋਣਾ । ਅਕਾਲਪੁਰਖ ਨੇ ਅਪਾਂ ਨੂੰ ਇਕ ਜੇਹਾ ਬਣਾ ਕੇ ਭੇਜਿਆ ਇਕੋ ਅਕਾਲ ਦਾ ਸੱਭ ਵਰਤਾਰਾ
ਨੀਚ ਊਚ ਨਹੀ ਮਾਨ ਅਮਾਨ ॥ਬਿਆਪਿਕ ਰਾਮ ਸਗਲ ਸਾਮਾਨ ॥14॥
ਜੇਕਰ ਉਚ ਨੀਚ ਕਰਣ ਦਾ ਬਹੁਤਾ ਝੱਲ ਚੜਿਆ ਫੇਰ ਭਾਈ ਕਰਮ ਦੇਖੋ ਵੀ ਮੇਰੇ ਕਿਹੋ ਜਹੇ ਕਰਮ ਨੇ ਅਤੇ ਭਗਤਾਂ ਦੇ ਕਿਹੋ ਜਹੇ । ਨਿਚ ਗਿਣਨਾ ਆਪ ਨੂੰ ਗਿਣ । ਭਾਈ ਗੁਰੂ ਦੇ ਭੈ ਵਿਚ ਰਹਿ ਕੇ ਸੱਭ ਨਾਲ ਪ੍ਰੇਮ ਭਾਵਨਾ ਰਖੋ ਨਾਨਕ ਦੀ ਸਿੱਖੀ ਉਚੇ ਹੋ ਕੇ ਨਹੀ ਨਿਵੇਂ ਹੋ ਕਿ ਕਮਾਈ ਜਾਂਦੀ ਹੈ

ਨੀਚਾ ਅੰਦਰਿ ਨੀਚ ਜਾਤਿ ਨੀਚੀ ਹੂ ਅਤਿ ਨੀਚੁ ॥ ਨਾਨਕੁ ਤਿਨ ਕੈ ਸੰਗਿ ਸਾਥਿ ਵਡਿਆ ਸਿਉ ਕਿਆ ਰੀਸ ॥

ਜਿਥੈ ਨੀਚ ਸਮਾਲੀਅਨਿ ਤਿਥੈ ਨਦਰਿ ਤੇਰੀ ਬਖਸੀਸ ॥4॥3॥

 ਅਕਾਲ ਸਹਾਇ